التعويم ...التعويم 😥 مافيش سيرة النهاردة غير على تعويم الجنيه وسعر الدولار والناس كلها قلقانة هتعمل ايه وهتعيش ازاي وتأكل منين؟؟!..

التعويم ...التعويم 😥

مافيش سيرة النهاردة غير  على تعويم الجنيه وسعر الدولار والناس كلها قلقانة هتعمل ايه وهتعيش ازاي وتأكل منين؟؟!..

وطبعا كان الله في العون ...

بس أنا هنا....عاوزك تطمن خاااااالص وماتشيلش هم 

بس مش عشان عندك حاجه تسندك في الظروف دي ❎

لا ....عشان  الرزاق اللي رزقك امبارح هو اللي هيرزقك النهارده وبكرة ✅

(إِنَّ اللَّهَ هُوَ الرَّزَّاقُ ذُو الْقُوَّةِ الْمَتِينُ )

ماتشيلش هم رزقك وتبص قدام عينيك على الاسباب وتقول ازااااي طب نجيب منين؟؟

ارفع راسك للسماء وقول يارب🤲 لان رزقك في السماء مش في الأرض (وَفِي السَّمَاءِ رِزْقُكُمْ)

كل ماالشيطان يقولك هتجيب حاجة رمضان منين ...

قول له (يَأْتِ بِهَا اللَّهُ ۚ إِنَّ اللَّهَ لَطِيفٌ خَبِيرٌ )✅

قلقك ده طبيعي بس وعيك بإن رزقك عند ربنا وإنه هو الرزاق هيهون عليك كتييير 

 وعيك بإن الشيطان  هو اللي بيزود قلقك عشان تسيئ الظن بربك هيخليك تفرمل  وتقول للشيطان ...لا ....لن يضيعنا الله💙

(الشَّيْطَانُ يَعِدُكُمُ الْفَقْرَ وَيَأْمُرُكُم بِالْفَحْشَاءِ ۖ)

يبقى الصح في الازمة دي نعمل ايه ؟؟؟!

_نتضرع لربنا ليصرف عن البلاء

_نكثر من الاستغفار ونبعد عن المعاصي

_نحاسب نفسنا كده ونشوف كده هل ممكن في حاجه غلط عندنا كانت سبب في اللي احنا فيه ؟؟

وتعال شوف كلام النبي ﷺوقول كده فيه حاجه من دول لسه مااتعملتش في مجتمعنا 😥؟؟!!

عشان تعرف من أين أوتينا 

قال النبي ﷺ(لم تَظْهَرِ الفاحشةُ في قومٍ قَطُّ ؛ حتى يُعْلِنُوا بها ؛ إلا فَشَا فيهِمُ الطاعونُ والأوجاعُ التي لم تَكُنْ مَضَتْ في أسلافِهِم الذين مَضَوْا ، ولم يَنْقُصُوا المِكْيالَ والميزانَ إِلَّا أُخِذُوا بالسِّنِينَ وشِدَّةِ المُؤْنَةِ ، وجَوْرِ السلطانِ عليهم ، ولم يَمْنَعُوا زكاةَ أموالِهم إلا مُنِعُوا القَطْرَ من السماءِ ، ولولا البهائمُ لم يُمْطَرُوا ) 

اللهم اغفر لنا الذنوب التي تمحق النعم 🤲

#رسايل